تناقلت العديد من منتديات الإنترنت المجهولة نبأ وفاة الرئيس مبارك إكلينيكياً و انتشر الخبر فى أوساط المواطنين بسرعة كبيرة. و على الرغم من عدم صحة الخبر و نفيه بطريقة غير مباشرة من قبل السلطات المصرية عن طريق ترتيب زيارة عجيبة للرئيس مبارك للقرية الذكية لمجرد الظهور و نفى شائعة وفاته أو مرضه. و لكن يجب أن نتوقف ملياً أمام هذه الشائعة لسببين:
أولاً هذه ليست المرة الأولى الذى تنتشر فيه شائعة فى مصر بتلك السرعة حيث انتشر منذ حوالى عام شائعة بالإسكندرية مرور أفراد على المنازل لتطعيم الأطفال ضد شلل الأطفال بطعم فاسد. و انتشار شائعات بتلك السرعة يهدد الأمن القومى لمصر تهديداً خطيراً و يبرز وجود خلل مجتمعى و نقص فى الوعى خاصة و أن الإشاعات تنتشر فى وسط كافة المستويات الثقافية و الإجتماعية.
ثانياً غباء المحيطين بالرئيس و تعمدهم إخفاء الحقائق متناسين أننا فى القرن الحادى و العشرين فهم يتكتمون الحالة الصحية للرئيس بشكل يثير فضول الناس و يوفر أرضية خصبة لنمو الشائعات حول الرئيس و هو فى النهاية بشر يمرض و أيضاً يموت. و لو صدر تقرير مختصر عن الحالة الصحية للرئيس حسنى مبارك لاختفت تلك الشائعات أو على الأقل قلت حدتها و أتذكر أنه عندما ذهب مبارك لإجراء جراحة خطيرة فى الغضروف فى ألمانيا و تم اصدار بيان بذلك لم تتناثر شائعات عن وضع الرئيس. و لقد تسبب المتحدث باسم رئاسة الجمهورية فى زيادة البلبلة عندما أعلن أن اختفاء الرئيس يعود إلى قيامه بإجازته السنوية فى برج العرب على الرغم من تصريح مبارك لعماد الدين أديب فى حديث متلفز عام 2005 أنه يعانى من أعباء الرئاسة التى تمنعه من القيام بإجازة !!!!
و من المعروف أن الرئيس مبارك قام صباح اليوم (29 أغسطس) بجولة فى مدينة برج العرب الجديدة لنفى تلك الشائعة نفياً قاطعاً. كما نفى موقع المصريون الإخبارى الواقعة و ذكر أن سبب انتشار الشائعة هم ركاب المواصلات بمنطقى برج العرب الذين شاهدوا كثافة هبوط و طيران المروحيات بالمنطقة.
موضوعات ذات صلة:
http://www.elaph.net/ElaphWeb/AkhbarKhasa/2007/8/259273.htm
http://housam.wordpress.com/2007/08/29/mobarak
http://www.almesryoon.com/ShowDetails.asp?NewID=37875&Page=1
https://hishameltawil.wordpress.com/2007/09/02/mubrakdeathinpress/
مشكله الشعب المصرى بيكلم من غير ما يعرف ان الكلام ده صح ولا لا مش بيحب يتاكد لان دائما ما تكون الاشاعه على هواه
انهم يحلمون بما يتمنون ….. 🙂
يارب سهل
كلامك صح
ياريت المسؤلين يستوعبوا ويفهموا هذه المره
الله يحفظك يا ريس لينا
السلام عليكم ورحمة الله وبركاته
لم أعلم ماذا أقول فى اعداء جمهورية مصر ؟
ومن تجرؤوا على ترديد أشاعة وفاة الرئيس (محمدحسنى مبارك ) ولااعرف كيف يفرحوا لو تم ذلك بالفعل أن كنا مسلمون وأن كنا مصريون وأن كنا أناس لهم مبادىء كيف بالله نسمع ونمشى وراء هذه المهاطلات والكذب أدام الله عليك عافيتك ياسيادة الرئيس وأطال بقائك لمصر وشعبك وخيب ظن الفاسدين الكاذابين والمنافقين .
فيكفى تاريخه ويكفى حكمته ويكفى انه مسلم وان كان هناك سلبيات كما ذكر اخى كاتب الموضوع
نحن ننسى الاسى وننسى اى شىءحتى وان كان هناك ظلما واقعا نحن ليس قضاه وليس حكام
فالله هو الغالب على امره وهو القاهر فوق عباده وهو على كل شىء قدير لكن حقا وصدقا نحن نحب هذا الرجل بكل مابه من ايجابية او سلبية هو محرر أرض مصر الاول وهو ايضا مخطط مستقبل مصر الحاضر والقادم نحن ليس جاحدين وليس أناس بلا قلب وليس من نفرح ونشمت فى الغير ايا كان مركزه او سلطته يكفى انه انسان ومسلم ولكل انسان أخطاؤه ونحن لانحاسب حاكما على أخطاؤه ايا كانت
ليس لنا فى ذلك فهناك منظاران احداهم للقراءة والاخرى لحجب الضوء الشمسى عن العين وقد يكون منظار سيدى الرئيس يرى به مالانراه فسواء كان صواب ام خطأ فهو المتحمل له اما نحن كشعب لنا شيئا واحدا الاوهو الخطى وراء قائدنا فى مسيرته وعلينا تنفيذ مايقول والدعاء له بالدوام فلم يكن هناك من هو اصلح منه لمراعاة مصالح وطنه وشعبه وحتى وان كان الا وان اصبح له بصماته وخط سير يمشى عليه حكام اخرين هو صاحب المنهج الجديد فى الاصلاح والاستقرار والمستقبل الجديد حتى وان كان اغلب الشعب لايعرف كيف يمشى هذا الرجل .
فتحية لك سيدى الرئيس وتحية لكل من يسلك منهجك فى الحياة واللهم يشفيك ويبارك خطاك ويعطيك الصحة والعافية ويخيب ظن المفترين عليك .
أبن من انباء مصر
مش مشكله انه يمرض لانه انسان فى الاول والاخر
المشكله ان الصحافه وعلى راسهم الاستاذ القط من صحيفه اخبار اليوم
مغير موضوع المرض او الوفاه الى اشااااااااعه
تخيلو المفروض الريس ميتعبش او يموووووت
يانااااااس ارحمو نفسكم او ارحموووووونا شويه بأه
ربنا ياخده
لييه الاشعاعات ديه بس
ربنا يريحنا منه
dانا كنت فرحت لما سمعت ودلوقتى زعلان اوى كفايه حرام اكثر من 25 سنه كفففففففففففففففففففففففايه
انا لااشجع مروجى هذه الاشاعات لتهديد امن مصر الغالية فلابد ان نتحقق اولا ثم نخبر الاخرين بما نقول لان اعداءنا يتربصون لمصر بالمرصاد حتى يدخلون بكل سهولة وحتى لو الرئيس مات احنا مفروض نقف وقفة رجالة وندافع عن بلدنا ده مهما كان بردو رئيس الدولة ويريت مش ننشر اشاعات على الفاضى
وان شاء الله الرئيس يقوم بالسلامة واسئل الله ان يتم شفاءه
منصور الكيلانى مصرى محب لمصر
ربنا يخلى الرئيس مبارك وربنا يريحنا من اللى بيدعوا عليه
يكفى اننا نعيش فى امان منذ ان حكم مصر
السلام عليك
السلام عليكم ورحمة الله وبركاته
من الصعب تخيل مصر من دون مبارك
وبالنسبة لمروجي الاشاعات فلينظرو ماحل بالعراق ما بعد صدام
يارب يبارك لنا فى عمرك يا ريسنا وانا مش هقول اكتر من كده
وربنا يورى الظالم يوم ويييارب ييخلييك لينا
واللة العظيم بحبك اوى يا ريس زى والدى واحنا عارفين ان الاعباء اللى عليك كتير جدا وعازرينك يا ريس اعمل من اجل مصر بجد مصر محتاجالك وسيبك من الناس الجهلة اللى مش عارفين حاجة دول وبيتكلموا وخلاص اصل اللة ايدة فى المية مش زى اللى ايدة فى النار يا رب يخليك لينا ويدك طولت العمر ياااااااااااااارب
مصر من غيرك حتكون ازاى !!!!!! هع
خلينا فى مصر بيك الاول…
اللحمه بقت حلم بيحلم بيه المواطن البسيط و المتوسط بيخطط لها.
الغنى بقى غنى قوى و الفقير و المتوسط نزلوا بتاع درجتين او 3..
بيوصلك فى اخر السنه ان الشعب المصري اتكلم فى الموبيل ب ملايين الملايين فبتقول لنفسك(يا سلام الشعب مبسوط و مستريح و مترفه ) بص من فوق شويه .. الشعب اتجنن معهوش يأكل عياله و يروح يشتري كارت تليفون عشان يعمل ميسد كول لصاحبه.. ماهو برضه الفقر يجنن
.. الواسطه و الكوسه بتحرق عيوننا من كترها الرحمه بقى … بتزودز الموظفين 10% فى الرواتب و بتزودو الأسعار 200%.. بتضحكوا على مين؟… عمري ما سمعت عن حاجة سعرها رخص فى مصر كله بيغلى و اوعوا تقولولى ان الموضوع ده مبيحصلش ان الحاجه ترخص… لا يا بشوات بيحصل و انا عايش بره و بقولكم من الخارج ان الحلم اتحقق و فى حاجات سعرها بيرخص… و يا سيدي لو انا بابالغ يبقى الحقيقه ان سعرها الحاجه سعرها بيرتفع بنسبه بسيطه لا تذكر.
نص ثروه الشعب المصري راحت فى جيب نجيب ساويرس… هو مالهوش ذنب الذنب على الحكومه المتخلفه اللى ساعدت احتكار السوق بقوه لما منعت ان اي شركه تالته تفتح مش عارف لمده كام سنه.. فى الفتره دي خلاص الشعب كله فلوسه بقت عند نجيب.. فين فكره زياده المنافسين بتكون لمصلحه المستهلكين … ولا يلعن ابو المستهلكين… الغواى ينقط بطاقيته.. انا فى بلد اقسم لكم ان الفقير هنا بياكل لحمه كل يوم و معاه موبيل و عايش زي الغنى و للحق فى ماعادا السكن بيكون تعبان و أى كلام.. بس باقى متطلبات الرفاهيه موجوده معاه..
حتى الناس مبقيتش فاضيه تعترض على حكم و لا تتظاهر… الناس بتدور على لقمة العيش.. يابا ده الجوع الجنسي بقى فى الشوارع … الا حتى مفيش دراسه اتعملت على الموضوع ده … الكبت بيعمل اكتر من كده…
و ردا على الاستاذ / حسن محمد ::: اعباء ايه بس.. الراجل ربنا يديله الصحه بيصحي الصبح على فطار 20 نجمه و يلاقى مثلا يا سيدي الفاضل فى 20 مصيبه موجوده عند الشعب مثلا زي مصيبه القطار اللى ولع بالناس و لا العباره … يروح قالب القناة و جايب قناة الكرتون و لا قناه الافلام الاكشن و يكبر دماغه و الدليل على كده انى عمرى ما سمعت عن حل او نتيجه نهائيه قدروا يوصلولها…
ارحمونا بقى …. يا سيدي لو انت + 10000000 كلامكم صح … لسه فى 70000000 بيقولو كلام عكسكم يبقى مين الصح ؟؟؟؟ و كفايه كده النهارده…
لنكن صرحاء مع بعضنا البعض
ماذا سيحدث ان توفى هذا الرجل؟
اقسم انة لن يحدث شيئا اكثر ممايحدث الان فى مصر
لقد ادعوا فى تقاريرهم الزائفة ان تلك الاشاعة اضرت بمصلحة الاقتصاد المصرى وانا اقول لهم لماذا لم تخرجوا احد المسئولين لديكم ومااكثرهم باشاعة تصريح يكذب فية الخبر حتى لايحدث ماتدعون انة حدث؟لماذا لم يخرج الرئيس نفسة كى يكذب تلك الاشاعة وخرجت علينا زوجتة السيدة الاخيرة فى مصر لتقول لنا كلمة واحدة الا وهى الرئيس زى ( الفل )؟ ربنا يخليكى يا حاجة لنا !!!!!!!!!!.
اقول للشعب المصرى افق من غفلتك التى انت ماكث عليها وانطلق الى الامام واعلى بصوتك فان جاءت الحرب واعلنت بدايتها فلن تطلب منها غير الشهادة . وهاهى الشهادة تناديك وتقول لك لاتصمت , لاتسكت عن حقك فالساكت عن الحق شيطان اخرس . وهذا الرجل وعصابتة اكلوا كل حقوقك فى الحياة .
رجل يحتكر الحديد يرفع سعرة حيث شاء ومامن رقيب علية . واخر يرفع سعر الدقيق الى ثلاثة اضعاف السعر . وشعب بلا عمل , وشعب بلا امل , شعب بلا هوية .
فلتمت انت ومن معك ايها الرجل فوجودك مثل عدمة بل انة واللة يضر اكثر مماينفع
فلتذهب للجحيم وخلفك من يبايعونك .
مات الرئيس عاش الرئيس نسمع هذه القاله كل سنه تقريباً ما هو في النهايه حيموت والدليل على ذلك قوله سبحانه وتعالى (بسم الله الرحمن الرحيم كل من عليها فان ويبقى وجه ربك ذو الجلال والاكرام) صدق الله العلي العظيم